გავმართოთ GitHub ლინუქსზე openSuse

უიმე, ერთი თვეა არაფერი დამიწერია! სამაგიეროდ ეს 100-ე ჩანაწერია ჩემს საყვარელ, ხანდახან მიტოვებულ ბლოგზე. ამიტომ, დღეს რაღაც გემრიელს დავწერ.

მინდა გითხრათ, რომ მე მიყვარს github.com! არც თუ ძალიან დიდი ხანია ვიყენებ git-ს როგორც ვერსიათა მართვის სისტემას ჩემი სამსახურის პროექტებისთვის და ქმაყოფილი ვარ. გიტჰაბზე გამოწერილი მაქვს $7 პაკეტი, რომელშიც შედის შეუზღუდავი რაოდენობა ღია წყაროს რეპოზიტორიებისა და 5 პირადი საცავი. that pleases me greatly.

შემიძლია ვიმუშაო სახლიდან, სამსახურიდან, ლეპტოპიდან. და არ მიწევს ვინერვიულო, რომელ ფლეშკაზე და საერთოდ სად მაქვს პროექტის საბოლოო ვერსია. ყველაფერი ცენტრალიზებულ საცავშია პაროლს არ გეტყვით, ნუ მაიმუნობთ

პირადი ცხოვრება არ არსებობს. ნაწილი მე-5: Facebook და Amazon

ვაგრძელებ პარანოიდური სტატიის თარგმანთა ციკლს… ეს კაცი უფრო და უფრო ხშირად მეორდება

* * *

აი აქ იწყება მისტიკა. საშინელებები. მაგალითად, განქორწინების ადვოკატების ბიუროდან: პირველი, რასაც ამოწმებენ (გამომძიელბლის დაქირავებამდეც კი!) არის კლიენტის Facebook გვერდზე მყოფი ინფორმაციის გაანალიზება და არასასურველის ამოშლა. შემდეგ კი ათვალიერებენ მოწინააღმეგეების გვერდს…

ჟურნალში Wired, რომელიც უმეტეს წილად ხალხზეა გათვლილი, მაინც ხანდახან ბრძნულ აზრებს გამოთქვამს: “Facebook ამჟამად დაკავებულია მსოფლიო ქსელის კოლონიზაციით“.

თქვენ უნდა გაიაზროთ Facebook და Google-ს შორის პრინციპული განსხვავება. Google ახდენს სრულიად მსოფლიო ქსელის ინდექსაციას, შენახვას და აღწერას. Facebook კი აკვირდება მომხმარებლებს. ისინი ჩვენზე ლაზერივით არიან ფოკუსირებული. მათ უნდა იცოდნენ რას კითხულობთ, რას აკეთებთ, სად აკეთებთ ამას, ვინ არის თქვენი მეგობარი, რა არის თქვენი ასაკი, სქესი, სარწმუნოება, სქესობრივი გემოვნება – ყველაფერი. ისინი იწერენ ყველაფერს.

სხვათაშორის, ეს კარგი ბიზნეს-მოდელი, შესანიშნავი ბიზნეს-მოდელია! Facebook Connect, Open Stream, ეს ყველაფერი იძლევა საშუალებას გაიგონ თქვენზე უფრო და უფრო მეტი რამ. მოიცალეთ და წაიკითხეთ თქვენი სალიცენზიო შეთანხმება Facebook-თან. ჩავატაროთ ცდა: აწიეთ ხელი მათ, ვისაც გაქვთ FB პროფილი. ყველას აქვს. ახლა კი მათ, ვისაც წაკითხული გაქვთ სალიცენზიო შეთანხმება. ყველამ დაწია ხელი. პრეზენტაციის მაყურებელმაც (მკითხველმაც) დაწია.

გაეცანით. თმა ყალყზე დაგიდგებათ. FB ყლაპავს ყველაფერს, რაც მცირეთი მაინც აზუსტებს ცნობებს თქვენს შესახებ. მათ შეიძინეს Friend Feed, თანამშრომლობენ Twitter-თან, ახლა იძენენ ტურისტულ საიტს. როგორც კი გაიგებენ სად ისვენებთ და რას საქმიანობთ, იმ წამსვე შემოგთავაზებენ თავის ტურისტულ რესურსს. ასევე, ისინი უერთდებიან Yelp-ს.  რატომ? იმისთვის რომ იცოდნენ თუ რა სახის საჭმელი გიყვართ.

დროს რა ვუყო?

ამ ბოლო დროს, ასეთი პირი უჩანს, რომ მომიჭერს. როგორც უნივერსიტეტის მხრივ, ისე სამსახურის მხრივ. განსაკუთრებით, როცა ვიწყებ ჩემი საბაკალავრო ნაშრომის დაწერას.

გრაფიკი სამსახურში გასაკეთებელი საქმის გაწერილია ივნისის შუა რიცხვებამდე, თითოეულ დღეს უნდა ახასიათებდეს მკვეთრი პროგრესი. თუ რამე არ გამოვა, მთელი დიდი პროექტი კრიტიკულ მდგომარეობაში აღმოჩნდება. არადა მდგრადი განვითარება ისე მახასიათებს, როგორც საქართველოს ეკონომიკას

საბაკალავრო თემა მაქვს საინტერესო, თუ არა გენიალური. რათქმაუნდა, აზრი მე არ მეკუთვნის, მე უბრალოდ განვავითარებ ჩემი ხელმძღვანელის ერთ საინტერესო იდეას. იმედია, ოდესმე დადგება დრო როცა შემეძლება აქ ვისაუბრო მის შესახებ. ძალიან ძალიან მარტივი და გენიალური იდეაა. ერთი სული მაქვს ავამუშაო

ეგ ხომ კარგი. თუ გამიმართლა, ყველაფერს წარმატებით დავწერ და დავამთავრებ თსუ-ს ბაკალავრიატს.

სხვა მხრივ, ახლა მეწყება სწავლა და სულ მცირე 5 საგანი უნდა ავირჩიო. როგორც წესი, ვცდილობ კარგად ვისწავლო, ვინაიდან GPA მაქვს გამოსასწორებელი. პირველი სემესტრის “ცოდვების” გამო, 3.5 მაქვს და საერთოდ არ მაკმაყოფილებს. თან საზღავრგარეთ უნდა ვცადო მაგისტრატურაში ჩაბარება. მანდ კი GPA მნიშვნელოვანია.

კიდევ ერთი არჩევნის წინ ვდგები, ჯერ სად ვარ? ან კარგად უნდა ვისწავლო, ან კარგად ვიმუშაო. ერთდროულად ორივე არ გამოვა. დიდი დატვირთვა არის იქაც და იქაც. იმედია რამეს მოვახერხებ…

Ubuntu: მომხმარებლის ჯგუფებში ჩამატება

ამის წინ, ძალიან მოკლედ მოგახსენეთ თუ როგორ ხდება მომხმარებლის vboxusers ჯგუფში ჩამატება, იმისათვის რომ აგვემუშავებინა USB მოწყობილობები VirtualBox-ში.
გამიჩნდა კითხვა:
უბუნტუ ლინუქს საოპერაციო სისტემაში როგორ ჩავამატოთ მომხმარებელი რაიმე ჯგუფში?

ამისთვის შეიძლება გამოიყენოთ ორი ბრძანება:

1. useradd

   - ახალი მომხმარებლის შექმნა, ან მომხმარებლის შექმნის ნაგულისხმები პარამეტრების მომართვა, ან მომხმარებლის ჩამატება მეორად ჯგუფში;

2. usermod

   - მომართავს სისტემურ ანგარიშებს და შეაქვს ცვლილება არსებულ ანგარიშებში;

Minecraft + ქართულად წერა სასაუბროში/წიგნებში

სამწუხაროდ, ქართულის დამატება არ უშველა Minecraft-ში ქართულად წერის ამბავს

თუმცა ამასაც ეშველება. Minecraft მუშაობისთვის იყენებს LWJGL-ის (LightWeight Java Game Library) საკმაოდ ძველ ვერსიას, რომელსაც არ აქვს Unicode სიმბოლოების შეყვანის საშუალება.

სამაგიეროდ, შესაძლებელია ხელით განვაახლოთ ის და ვიხილოთ შედეგი:

LWJGL შესაძლებელია გადმოწეროთ ან ჩემი ბმულიდან, ან ოფიციალური საიტიდან: lwjgl.org

Minecraft + ქართული შრიფტის შეცვლა

სალამი ყველას. ალბათ, როგორც იცით, მე Minecraft-ის პირველი მთარგმნელი ვარ

თავის დროზე, მქონდა დახატული ლამაზი შრიფტი და მას ვიყენებდით Minecraft-ის არაოფიციალურ ქართულ ვერსიაში:

თუმცა, შარშან, 2012 წლის 13 იანვარს (ჩემს დაბადების დღეს!) გამოუშვეს მაინკრაფტის ოფიციალური ქართული ვერსია.  მას ერთი პრობლემა გააჩნდა: საშინელი ქართული შრიფტი:

ხომ საშინელებაა? დიდ ეკრანზე კი სრულიად კატასტროფაა რამდენჯერმე მივწერე მაინკრაფტის მთავარ პროგრამისტს, ჟენ ბერგენსტენს, მაგრამ ამაოდ.

* * *

საქმე ცუდად იყო სანამ არ აღმოვაჩინე მოდიფიკაცია BetterFonts.ის აძლევს თამაშს საშუალებას გამოსახოს ტექსტი სისტემაში ჩაყენებული Open თუ True Type შრიფტებით. იცით ამას რა მნიშვნელობა აქვს?!

სამწუხაროდ, ავტორი არ ჩანს ბოლო თვეებია, მაგრამ საზოგადოება აგრძელებს მის განვითარებას მის GitHub საცავში (იმიტომ რომ ღია-წყაროა!).

ამგვარად, დაყენება და სხვადასხვა შრიფტის გასინჯვის შემდეგ, ჩემი არჩევანი შევაჩერე შრიფტებზე სახელით Dejavu Sans და Dejavu Sans Mono, აი სურათები:

კარგი არამშიერი დიეტა

დიდი ხანია მაწუხებს ჩემი წონის ამბავი. 168სმ სიმაღლის 22 წლის ახალგაზრდა ვიწონი(დი) 85 კილოგრამს. რათქმაუნდა, ჭარბი წონა 10-15 კილოგრამია მეტი თუ არა.

ვცადე საღამოობით სირბილი, მაგრამ გარეთ საკმაოდ ცივა და არ მინდა რამე ავიკიდო. ამიტომაც, სანამ ზამთარია, გადავწყვიტე მეცადა ჩემი თანამშრომლის მიერ რჩეული დიეტა.

აღწერა თავიდან რუსულად მქონდა და თარგმნას ვაპირებდი, მაგრამ არ დამჭირვებია – აღმოჩნდა, რომ ის ჩვენთან ცნობილია როგორც უგულავას დიეტა. ის არის მეტ-ნაკლებად ძვირი, მაგრამ ძალიან ეფექტური. ერთ-ერთი დადებითი მომენტი არის ის, რომ დაკლებისას კანი არ რჩება “ჩამოკიდებული” და გაწელილი, ის იკუმშება. კიდევ ერთი: ეს დიეტა ეფექტურია ე.წ. “მჯდომარე” მუშაკებისათვისაც!